Mar Romera izango da “19. Familiaren Astea” gure hizlari gonbidatua.
Hizlariari buruz
Irakaslea, pedagogian eta psikopedagogian lizentziaduna. Adimen Emozionalean espezialista eta eskolari, haurtzaroari eta didaktika aktiboari buruzko hainbat libururen egilea. Francesco Tonucci Elkarte Pedagogikoaren zuzendaria.
Hezkuntza Sistemaren etapa guztietan lan egin du: haur-hezkuntzan, lehen hezkuntzan, hezkuntza berezian, bigarren hezkuntzan, lanbide hezkuntzan eta unibertsitatean.
Gaur egun berrikuntza-proiektuetako aholkulari pedagogikoa da, eta irakasleen prestakuntzan lankidetzan aritzen da hainbat autonomoa-erkidegotan. Eta hizlaria hainbat ikastaro, jardunaldi eta kongresutan.
Hitzaldiari buruz
Haurrek gugandik ikasten dute.
Garrantzia duena ez da gurasoek eta irakasleek zer esaten duten, gurasoak eta irakasleak zer diren baizik.
Ez du hainbesteko garrantzia eskola emateko moduak, eskola emateko nolakoa izan behar den da garrantzitsua.
Gugandik ikasten dute.
Pedagogia emozionala funtsezko ardatza bihurtu da hezkuntzan XXI. mendean.
Mar Romera Adimen Emozionaleko erreferente nazionalak bere hausnarketak, azterketak, ideiak eta esperientziak azaltzen ditu gure garaiko gatazka pertsonalak eta familiartekoak argitzeko, eta bere ildoen artean, besteak beste, bizitzarako bizkar-zorroak betetzen lagunduko diguten iradokizun txiki batzuk aurkituko ditugu.
“Baldintzarik gabe maitatzeak ez du esan nahi ondo egiten denik, lehen urratsa baino ez da. Bizitzako lehen urteetan haur baten potentziala izugarria da, bere gaitasunak mugagabeak, eta gure igurikimenek bakarrik mugatzen dituzte. Haien garapena behar bezala gauzatzeko, gehiago entzun eta gutxiago hitz egin behar dugu, gehiago miretsi eta gutxiago begiratu, gehitu ukitu eta gutxiago gidatu, minutu bakoitzaz gozatu une horretan duen baliogatik, eta ez izango duenarengatik.”
“Nik uste dut gauza sinpleetan, soiletan eta positiboetan dagoela gakoa.”
Ume guztiak hara joaten direlako Disney-ra bidaia bat antolatu beharrean, honako hau proposatzen du berak:
“Familian bazkaltzea, film bat elkarrekin ikustea, eskutik helduta paseatzea, sukaldeko errezeta bat elkarrekin egitea, aitona-amonengana joatea, haientzako irakurtzea, hurbil daukagun landa-eremuren batera txangoa egitea, barbakoa bat prestatzea, gona bat jostea, puzle bat egitea… Horrek guztiak egunerokoa osatzen du, orainaren indarra, gauza sinpleak, benetako maitasun-egoerak azaleratzen dituztenak, desinteresatuak, lasaitasunez beteak, ederrak eta etorkizunerako aukera handiak dituztenak.”
Esperientzia pertsonal aberatsen bidez, pedagogien eta psikologia eta neurozientziako teorien bidez, egileak hausnarketa egitera gonbidatzen gaitu gure gatazka, ziurgabetasun eta igurikimenei buruz, aurrean daukagun Haurra ezbairik gabeko jomuga izanez beti.
Familia, emozioen lehen eskola
Mar Romera